"Fornar heimildir greina frá því að í Hallgeirsey hafi verið stunduð sjósókn af miklum krafti. Aldrei hvarflaði það að  mönnum að það væri hægt að koma upp bryggju á þessum slóðum.  En nú er öldin önnur og komin bryggja í Hallgeirsey.  Grandavör heitir hún og er á þurru landi og stendur við Púkapytt, í gamla kartöflugarðinum."

Í fyrstu voru tveir bátar við bryggju Auður HF8 og Hlíf GK 250.

Ári síðar bættist Hafbjörg ÁR 15 í hópinn og fór hún í lýtaaðgerð og frískaðist öll upp.

Um borð í Hafbjörgu  er setustofa og eldhúskrókur.

Árið 2006 kom Skúli fógeti fulllestaður í heimahöfn.  Hann er stjórnstöð svæðisins og afdrep
fyrir áhafnir skipanna.

Jón Óli er mikið aflaskip þó lítill sé en hann dregur til sín unga og efnilega framtíðar sjómenn. 
Hann er á leiksvæði æskunnar fullur af sandi.

Grandavör lítur svona út í dag. 

Útgerðin vill koma eftirfarandi tilkynningu á framfæri :

Allir eru velkomnir - sjón er sögu ríkari